Ne kemi synojmë të frymëzojmë më shumë persona që të ushqehen në një mënyrë që sjell përfitime si për njerëzit ashtu edhe për planetin. Kjo nënkupton të ndihmojmë në përmirësimin e vlerave ushqyese të ushqimeve që konsumojnë të tjerët ndërsa tregojmë se sa e kënaqshme mund të jetë nëse përfshihen ingredientë më ekologjikë - në veçanti opsionet me bazë bimore. Ne gjithashtu dëshirojmë të ndihmojmë në reduktimin e mbetjeve ushqimore në çdo mënyrë që të mundemi.

Objektivi për vitin 2030: Të bëjmë ushqyerjen ekologjike zgjedhjen e preferuar.

Puna drejt këtij objektivi do të përshpejtojë zhvillimin e zgjidhjeve që t'u mundësojmë më shumë njerëzve të kenë shtëpi më të shëndetshme në një mënyrë më ekologjike. 

Objektivi për vitin 2030: T'i bëjmë shtëpitë më të shëndetshme dhe më ekologjike përmes zgjidhjeve inteligjente për ajrin, ujin dhe dyshemetë

Ne synojmë t'i frymëzojmë njerëzit që ta konsumojnë, marrin dhe trajtojnë ushqimin në një mënyrë që sjell përfitime si për njerëzit ashtu edhe për planetin - pa sakrifikuar kënaqësinë.

Për të na orientuar drejt objektivit tonë, ne do të përpiqemi të çojmë më tej inovacionet në produkte, të edukojmë konsumatorët, të kryejmë kërkime të mëtejshme dhe të krijojmë partneritete të dobishme. Aspektet ku synojmë të fokusohemi për "Të hamë më mirë" janë:

• Të reduktojmë mbetjet ushqimore në çdo mënyrë që mundemi
• Të frymëzojmë më shumë ushqyerjen me bazë bimore
• Të minimizojmë humbjet ushqimore tek ushqimet
• Të përmirësojmë përvojën e të ushqyerit ekologjik përmes përmirësimit të shijeve, teksturave dhe ngjyrave
• Ta bëjmë të lehtë implementimin e të gjitha aspekteve në jetën e përditshme

Ne aktualisht prodhojmë, blejmë, hamë dhe e shohim ushqimin sikur të kishim burime të pakufizuara. GRO u riprojektua me kujdes për t'ju ndihmuar t'i zhvendosni perspektivat dhe sjelljet drejt një bote më ekologjike. Së bashku, ne mund të rregullojmë sistemin jofunksional të ushqimit duke vepruar më mirë, duke blerë më mirë dhe duke ngrënë më shëndetshëm.

GRO është vizioni ynë i kuzhinës së ardhshme - një koncept revolucionar për gatim ekologjik dhe inteligjent. Është një sistem i personalizueshëm i zgjidhjeve bashkëpunuese për t'ju ndihmuar të krijoni me lehtësi shprehi të gjelbra në ngrënie. Dizajni i tij novator sfidon mendimin konvencional se çfarë është kuzhina dhe ju mundëson të bëni zgjedhje më të shëndetshme dhe ekologjike.

Ndarjet modulare të GRO janë krijuar për vendosje dhe risistemim që i përshtatet shtëpisë dhe mënyrës suaj të jetesës. Një koncept revolucionar që shkon përtej kuzhinës; Është një vizion i së ardhmes – që mbështet diversitetin e ushqimit dhe sistemet ekologjike të ngrënies.

Duke treguar kujdes më të mirë për rrobat, ne synojmë t'i ndihmojmë njerëzit të zgjasin jetëgjatësinë e rrobave të tyre duke përgjysmuar gjurmën në mjedis të kujdesit.

Për të na orientuar drejt objektivit tonë, ne do të përpiqemi të çojmë më tej inovacionet në produkte, të edukojmë konsumatorët, të kryejmë kërkime të mëtejshme dhe të formojmë partneritete të dobishme. Fushat tona të fokusit për "Të kujdesemi më mirë për rrobat" janë:

• Të shtojmë jetëgjatësinë e rrobave duke modernizuar teknologjinë e kujdesit dhe zakonet e kujdesit
• Të reduktojmë ndikimin në mjedis të kujdesit për rrobat
• Të mundësojmë përkujdesje për të gjitha pëlhurat
• Të kontribuojmë në modele më ekologjike të shfrytëzimit të modës

Puna drejt këtij objektivi do të përshpejtojë zhvillimin e zgjidhjeve që u mundësojmë më shumë njerëzve të kenë shtëpi më të shëndetshme në një mënyrë më ekologjike.

Duke punuar drejt këtij objektivi, "Electrolux" do të përshpejtojë zhvillimin e zgjidhjeve që u mundësojmë më shumë njerëzve të kenë shtëpi më të shëndetshme në një mënyrë më ekologjike. Kjo mund të përfshijë:

• Zhvillimin e zgjidhjeve të sofistikuara të kujdesit për ajrin dhe dyshemetë, të mundësuara nga teknologjia dixhitale.
• Optimizimin e mjedisit të ambienteve të brendshme, si edhe të qenit një forcë drejtuese për më shumë pajisje efikase në burime dhe me ndikim të reduktuar në klimë.

Ne synojmë që t'i bëjmë fabrikat tona pa mbetje dhe plotësisht neutrale për klimën ndërkohë që zhvillojmë produkte që maksimizojnë efikasitetin kur bëhet fjalë për energjinë dhe burime të tjera.

Për të na orientuar drejt objektivit tonë, do të përpiqemi të çojmë më tej inovacionet në produkte, të edukojmë konsumatorët, të kryejmë kërkime të mëtejshme dhe të krijojmë partneritete të dobishme. Fushat tona të fokusit për kategorinë "Kompani më e mirë" janë:

• Ta bëjmë prodhimin neutral për klimën
• Të kemi fabrika me zero mbetje
• Të zhvillojmë produktet tona në përputhje me objektivin e veprimeve të OKB-së për klimën
• Të ofrojmë modele biznesi dhe projekte që optimizojnë përdorimin e burimeve

Minimizimi i mbetjeve ushqimore është sjellja më e zakonshme ekologjike, 53% e të anketuarve thonë se ata e praktikojnë këtë në jetën e tyre të përditshme. Vetëm një në katër hanë dietë me bazë bimore.

Hendeku i gjelbër për ushqyerjen me bazë bimore është i vogël, dhe vetëm 18% e të anketuarve shprehen se dëshirojnë të konsumojnë më shumë ushqime me bazë bimore. Barrierat kryesore për këtë janë frika se mos nuk marrin lëndë të mjaftueshme ushqyese nga dieta me bazë bimore dhe mosngopja pas një vakti.

Vetëm 1 në 5 persona beson se ushqyerja me bazë bimore është mënyra më efikase për praktikat ekologjike të ushqimit. Në kontrast, rreth 30% e emetimeve klimatike në rang global vijnë nga prodhimi i ushqimit (burimi: Raporti i veçantë për ndryshimet klimatike dhe tokën, 2019).

Mënyra se si kujdesemi për rrobat tona varet shumë nga zakonet dhe vetëm 40% e të anketuarve përpiqen në mënyrë aktive që të zgjasin jetëgjatësinë e rrobave të tyre. Vetëm 48% sigurohen që të lajnë gjithmonë ngarkesa të plota rrobash, që tregon se ka vend për përmirësim në këtë fushë. Rrobat lahen sepse mbajnë erë të keqe ose kanë njolla, ose thjesht për shkak të dëshirës për të pasur rroba të sapolara. Zgjedhja e larjes në temperatura të ulëta nuk është e zakonshme sepse vetëm 1 në 3 persona e praktikojnë aktivisht këtë sjellje, pavarësisht faktit se detergjentet larëse shpesh janë po aq efikase në temperatura të ulëta.

Ruajtja e cilësisë së ajrit në ambientet e brendshme përbën prioritet për të anketuarit, ku 4 në 5 persona përmendin cilësinë e ajrit dhe pastërtinë e tij si dy prej faktorëve më të rëndësishëm për mirëqenien në shtëpi. Sërish, vetëm 39% mendojnë se munden të përmirësojnë cilësinë e ajrit në ambientet e tyre të brendshme.

Gjysma e të anketuarve pretendojnë se janë në dijeni të shkaqeve të ndotjes së ajrit në ambientet e brendshme, dhe 41% besojnë se fshirja me fshesë me korrent ka ndikim negativ në cilësinë e ajrit në këto ambiente. Ndotësit më të këqij besohet se janë pirja e duhanit në ambiente të brendshme, pesticidet dhe spraji i flokëve ose i trupit.

Hendeku më i madh në mirëqenie është tek të anketuarit që dëshirojnë të përdorin purifikuesit e ajrit për të reduktuar substancat alergjike dhe ndotësit në ambientet e brendshme.

"Electrolux" u themelua me idenë për t'i bërë fshesat me korrent më të lehta dhe më të thjeshta për t'u përdorur, duke i promovuar ato nëpër botë si një mjet për të përmirësuar shëndetin dhe higjienën. Ky udhëtim ka filluar nga inovacioni i themeluesit Axel Wenner-Gren për të vendosur rrota në fshesën me korrent të Modelit V, deri te prezantimi i fshesës së parë robotike në botë, dhe është në vazhdim.

Krijimi i përvojave më të kënaqshme të të ngrënit ka qenë gjithmonë forca drejtuese pas inovacioneve tona në kuzhinë. Gjatë historisë sonë, ne kemi shfrytëzuar trashëgiminë tonë unike profesionale për ta bërë këtë realitet. Përpunuesi inovativ i ushqimeve "Assistent" dhe furrat "CombiSteam" janë thjesht disa shembuj.

"Model V" kishte rrota që e lejonin të shkiste nëpër dyshemenë e shtëpisë për të thithur me efikasitet pluhurin dhe papastërtitë, megjithëse ishte më i vogël dhe shumë më i lehtë se pararendësit e tij. Ishte vetë Wenner-Gren që kishte hedhur idenë e rrotave. Fakti që pajisja ishte një përfaqësues i denjë i dizajnit të ri industrial të epokës, nën frymën e arkitektit gjerman Peter Behrens, nuk sillte asgjë të keqe.